މާޥަށު ބްރާންޗްގެ ބިންގާ އަޅުއްވައި ދެއްވީ މިނިސްޓްރީ އޮފް ފިނޭންސް އެންޑް ޕްލޭނިން މޫސާ ޒަމީރެވެ. އެމަނިކުފާނުގެ އަރިހުގައި ބީއެމްއެލްގެ ޗެއާޕާސަން އަހްމަދު އަލީ ހަބީބާއި ސީއީއޯ އަދި މެނޭޖިން ޑިރެކްޓަރު މުހައްމަދު ޝަރީފު ބައިވެރިވެވަޑައިގެންނެވިއެވެ.
ދެހާސް ވަނަ އަހަރު ރާއްޖޭގައި ފުރަތަމަ އޭޓީއެމް ބެހެއްޓުނު ހިސާބުން ފެށިގެން ވޭތުުވެދިޔަ 24 އަހަރުތެރޭ ބީއެމްއެލުން މިވަނީ މާލެ ފިޔަވައި 81 ރަށުގައި އޭޓީއެމްގެ ހިދުމަތް ފަށާފައެވެ. އެގޮތުން 24 އަހަރުން 81 ރަށުގައި މި ހިދުމަތް ގާއިމުކުރެވުނުއިރު މިއަހަރު މިހާތަނަށް އެކަނި 95 ރަށުގައި މިވަނީ ހިދުމަތް ގާއިމުކޮށްދީފައެވެ. ރާއްޖޭގެ އެކިކަންކޮޅުތަކުގައި މިހާރު ވަނީ ބީއެމްއެލްގެ 250 އޭޓީއެމް ބަހައްޓައިފައެވެ.
ބީއެމްއެލްގެ އަމާޒަކީ ކުރިޔަށް އޮތް 20 ދުވަސްތެރޭ މުޅި ޕްރޮޖެކްޓު އެއްކޮށް ނިންމާލާ ރާއްޖޭގެ ހުރިހާ ރަށެއްގައި އޭޓީއެމް ގާއިމުކުރުމެވެ. އެ ހިދުމަތާ
