އިނގިރޭސި ބަހުން މުޢާމަލާތް ކުރުމުގައި ދަތިތަކާ ކުރިމަތިލާން ޖެހޭ ފަރާތްތަކަށް ހާއްސަކޮށް، ދިވެހި ބަހުން ފުރިހަމަ ޚިދުމަތްތަކެއް ދިނުމަށްޓަކައި ޒަމާނީ އާޓިފިޝަލް އިންޓެލިޖެންސް (އޭއައި) އެކުވެރިޔާ “އޭއައި ބޭ” މިވަނީ ތައްޔާރުވެފައެވެ. ގޫގުލްގެ ބާރުގަދަ ޖެމިނީ ޓެކްނޮލޮޖީގެ ބޭނުންކޮށްގެން ތަރައްޤީކޮށްފައިވާ މި ޚިދުމަތަކީ ދިވެހި ރާއްޖޭގެ ބޭނުންތަކާ ސަގާފަތަށް ހާއްސަކޮށްގެން، ދިވެހި ރައްޔިތުންނަށް އެންމެ ފަސޭހައިން އޭއައިގެ ފައިދާ ނެގޭނެ ގޮތަށް ފަރުމާކުރެވިފައިވާ ޕްލެޓްފޯމެކެވެ.
“އޭއައި ބޭ” ތަޢާރަފްކުރުމުގެ މައިގަނޑު މަޤްޞަދަކީ ދިވެހި ބަހުން އޭއައިގެ ޚިދުމަތްތައް ފުޅާކުރުމެވެ. މި ޚިދުމަތުގެ އެންމެ ބޮޑު އެއް ހައިލައިޓަކީ ތިން ބަހަކުން މުޢާމަލާތް ކުރުމުގެ ޤާބިލިއްޔަތުކަން ލިބިފައިވުމެވެ. އެގޮތުން، ބޭނުންކުރާ ފަރާތަށް ތާނަ، ލެޓިން ނުވަތަ އިނގިރޭސި ބަހުން ވެސް އެންމެ ފަސޭހަ ގޮތަކަށް “އޭއައި ބޭ” އާ ވާހަކަ ދައްކާ، އެހީ ހޯދޭނެއެވެ. މިއީ ދިވެއްސަކަށް ދިވެހި ބަހުން އޭއައި ޓޫލްތައް ބޭނުންކުރުމުގެ ފުރުސަތު ހުޅުވާލި ކާމިޔާބީއެކެވެ.
މީގެ އިތުރުން ”އޭއައި ބޭ“ އިން ހިތަށް އަންނަ ޚިޔާލުތައް ފޮޓޯއަށް ބަދަލުކޮށްލުމުގެ ޚިދުމަތް ވެސް ދެއެވެ. އެހެންކަމުން، މީހެއްގެ ހިތަށް އެރި ކޮންމެ ޚިޔާލެއް ނުވަތަ ޑިޒައިންއެއް ރީތި ފޮޓޯއަކަށް ނުވަތަ އީޖާދީ ޑިޒައިންއަކަށް ހަދައިދިނުމުގެ ޤާބިލިއްޔަތު މި ޓޫލްގައި ހިމެނެއެވެ. އަދި ލިޔެކިޔުމުގެ އެހީތެރިކަމަށް ބަލާއިރު، އީމެއިލް، ރިޕޯޓް، ސޯޝަލް މީޑިއާ ޕޯސްޓް ފަދަ ކޮންމެ ވައްތަރެއްގެ ލިޔުމެއް އެކުލަވާލުމަށް ވެސް ”އޭއައި ބޭ“ އިން އެހީތެރިވެދެއެވެ.
“އޭއައި ބޭ” ގެ ހާއްސަ ސިފައެއްގެ ގޮތުގައި ފާހަގަކުރެވެނީ ދިވެހި ރާއްޖޭގެ ޙާލަތާއި ސަގާފީ ކަންކަން މި އޭއައި އަށް އެނގޭނެކަމެވެ. މާނައަކީ، ދިވެހި ކޮންޓެކްސްޓަށް ބައްޓަންކޮށްފައިވާ މި ޓޫލްއިން ރާއްޖޭގެ ތާރީޚީ، އިޖުތިމާޢީ އަދި ސަގާފީ ކަންކަމާ ގުޅޭގޮތުން ސައްހަ މަޢުލޫމާތުތައް ދިނުމާއި، ދިވެހި ބާޒާރަށް އެންމެ އެކަށޭނަ ގޮތަށް ޚިދުމަތް ދިނުމުގެ ޤާބިލިއްޔަތު އޮތުމެވެ.
މި ޚިދުމަތް މި މަސް ނިމުމުގެ ކުރިން ބޭނުންކުރާ ފަރާތްތަކަށް މުޅިން ހިލޭ ބޭނުންކުރެވުމުގެ ފުރުސަތު މިވަނީ ހުޅުވާލާފައެވެ. ނަމަވެސް، ލަފާކުރެވޭ ގޮތުގައި އަންނަ މަހުގެ 1 ވަނަ ދުވަހުން ފެށިގެން މި ޚިދުމަތްތައް ހޯދުމަށް ވަކި އަގެއް ނަގަން ފަށާނެއެވެ. ”މި ފުރުސަތުގެ ބޭނުން ހިފައި، މި މަސް ނިމުމުގެ ކުރިން މި ހިލޭ ޚިދުމަތްތައް ތަޖުރިބާކޮށްލުމަށް ބާރުއަޅަމެވެ.“
